Sevilla ធ្វើឲ្យ Liverpool ស្រក់ទឹកភ្នែកដើម្បីលើកពាន Europa ជាលើកទី៣ជាប់ៗគ្នា

ក្រុម Liverpool បានរងនូវការខកចិត្តដ៏ធំមួយក្នុងតង់ទី២ ខណៈដែលក្រុម Sevilla បានធ្វើការវាយបកដើម្បីទទួលជ័យជម្នះក្នុងលទ្ធផល ៣-១ នៅកីឡដ្ឋាន St Jakob-Park និងដើម្បីឈ្នះពានក្របខ័ណ្ឌ Europa League ជាលើកទី៣ជាប់ៗគ្នាកាលពីថ្ងៃពុធ។

ក្រុមរបស់លោក Jurgen Klopp ហាក់ដូចជាស្ថិតនៅលើផ្លូវដើម្បីឈ្នះរង្វាន់កៅអីនៃក្របខ័ណ្ឌ Champions League ដែលត្រូវបានផ្តល់សម្រាប់ក្រុមឈ្នះក្នុងយុទ្ធនាការនេះទៅហើយ នៅពេលដែលគ្រាប់បាល់ស៊ុតបញ្ចូលទីយ៉ាងល្អនៅនាទី ទី៣៦របស់ខ្សែប្រយុទ្ធ Daniel Sturridge បានជួយឲ្យពួកគេមានគ្រាប់បាល់នាំមុខមុនក្នុងតង់ទី១។ ការលេងស៊ីចង្វាក់គ្នាយ៉ាងល្អនៅដើមតង់ទី២ បានជួយឲ្យក្រុម Sevilla រកគ្រាប់បាល់តាមស្មើវិញ នៅពេលដែលកីឡាករ Kevin Gameiro បានរកគ្រាប់បាល់បំប៉ោងសំណាញ់ ក្រោយពីការបញ្ជូនបាល់យ៉ាងល្អរបស់ Mariano Ferreira។ ក្រោយមក ភាពទន់ជ្រាយក្នុងតំបន់ការពាររបស់ក្រុម Liveprool បានកើតឡើង ខណៈខ្សែការពារ Coke បានបានរកគ្រាប់បាល់ត្រឹមចន្លោះពេលតែ៦នាទីក្នុងតង់ទី២ដើម្បីជួយឲ្យក្រុម Sevilla ទទួលជ័យជម្នះតែម្តង៕

Read more: http://expre